جنرل قاآنی کی شہید حسن عبداللہ زادہ کے اہلخانہ سے ملاقات

جنرل قاآنی کی شہید حسن عبداللہ زادہ کے اہلخانہ سے ملاقاتمقدس دفاع نیوز ایجنسی کی رپورٹ کے مطابق قدس فورس کے سربراہ جنرل قاآنی نے سپاہ قدس میں نمائندہ ولی فقیہ حجۃ الاسلام علی محمدی کے ہمراہ  مدافع حرم شہید حسن عبداللہ زادہ کے اہلخانہ سے ملاقات اور گفتگو کی۔ شہید حسن عبداللہ زادہ حال ہی میں شام میں درجہ شہادت پر فائز ہوگئے تھے۔

اس ملاقات میں قدس کے سربراہ جنرل قاآنی نے شہید حسن عبداللہ زادہ کے اہلخانہ کو تعزیت، تسلیت اور تہنیت پیش کرتے ہوئے شہید کے درجات کی بلندی کے لئے فاتحہ خوانی اور دعا کی۔ جنرل قاآنی نے شہید حسن عبداللہ زادہ کے والد اور والدہ کو مخاطب کرتے ہوئے کہا کہ آپ کا شمار مخلص مجاہدین میں ہوتا ہے اور آپ نے اپنے فرزند کی قربانی پیش کرکے اہلبیت علیھم السلام کے نزدیک ایک خاص مقام حاصل کرلیا ہے۔ سپاہ قدس میں نمائندہ ولی فقیہ حجۃ الاسلام محمدی نے بھی شہید حسن عبداللہ زادہ کی دفاع حرم کے سلسلے میں کوششوں کی طرف اشارہ کرتے ہوئے کہا کہ مدافع حرم شہید حسن عبداللہ زادہ شہادت کی منتظرین میں شامل تھے جنھوں نے شہادت کے حصول کے لئے طویل عرصہ تک جد وجہد کی۔