جدید ترین بحری جہاز سہند ایرانی بحریہ میں شامل

جدید ترین بحری جہاز سہند ایرانی بحریہ میں شاملمقدس دفاع نیوز ایجنسی کی رپورٹ کے مطابق، سہند نامی بحری جہاز کو ہفتے کے روز جنوبی صوبے ہرمزگان کے شہر بندرعباس میں منعقدہ خصوصی تقریب کے دوران ایرانی بحریہ کے حوالے کیا گیا۔  

اس تقریب میں آرمی چیف، بحریہ کے سربراہ اور دیگر سینیئر عسکری اور سیاسی حکام بھی شریک ہوئے۔

سہند، مغربی ایشیا میں سب سے زیادہ ترقی یافتہ بحری جہاز ہے جسے ایران کے دفاعی ماہرین اور بحریہ کے انجینیئروں نے تیار کیا ہے۔ یہ جہاز مختلف قسم کے میزائیلوں اور تارپیڈو سے لیس ہے اور دشمن کے ریڈاروں کو دھوکہ دینے کی توانائی رکھتا ہے۔

ایک ہزار تین سو ٹن وزنی تباہ کن بحری جہاز سہند، پچیس ناٹیکل مائل کی رفتار سے چل سکتا ہے اور ڈیڑھ  سو روز تک مسلسل کھلے سمندروں میں مشن انجام دینے کے قابل ہے۔

قابل ذکر ہے کہ انتیس نومبر کو ایرانی ماہرین کی تیار کردہ دو نئی آبدوزین بھی بحریہ کے حوالے کی گئی تھیں جبکہ پہلی فاتح کلاس آبدوز بھی جلد بحریہ کے حوالے کر دی جائے گی۔ 

پیغام کا اختتام/