اپ ڈیٹ: 11 November 2019 - 13:28
اسلامی جمہوریہ ایران کے صدر حسن روحانی نے کہا ہے کہ ایران نے جوہری معاہدے کی پاسداری کی ہے جبکہ امریکہ نے ہمیشہ اس معاہدے کی خلاف ورزی کی ہے۔
خبر کا کوڈ: ۶۴۲
تاریخ اشاعت: 8:24 - March 06, 2018

امریکہ ایٹمی معاہدے کی خلاف ورزی کر رہا ہے، صدر حسن روحانیمقدس دفاع نیوز ایجنسی کی رپورٹ کے مطابق، ایران کے صدر حسن روحانی نے فرانس کے صدر امانوئل میکرون سے ٹیلیفون پر گفتگو میں تمام فریقوں کی جانب سے جوہری معاہدے کی پابندی کئے جانے کی ضرورت پر تاکید کرتے ہوئے کہا ہے کہ جب تک دوسرے فریق جوہری معاہدے کی پابندی کرتے رہیں گے تہران بھی اس وقت تک اس کی پابندی کرتا رہے گا۔

صدر مملکت ڈاکٹر حسن روحانی نے علاقائی مسائل کے بارے میں تہران اور یورپ کے تعاون کو اطمینان بخش قرار دیتے ہوئے کہا کہ اس قسم کے تعاون کا جوہری معاہدے سے کوئی تعلق نہیں ہے تاہم ان کا کہنا تھا کہ موجودہ صورتحال میں اہم نکتہ یہ ہے کہ یورپ کو چاہئیے کہ وہ جوہری معاہدے پر عمل در آمد کے لئے امریکہ کو صحیح راستے پر چلنے کی ترغیب دلائے۔

ایران کے میزائل پروگرام کے بارے میں مغربی ممالک کی تشویش کو مسترد کرتے ہوئے صدرمملکت ڈاکٹر روحانی نے کہا کہ دنیا کو مغربی ممالک کے ایٹمی ہتھیاروں اور پیشرفتہ میزائلی نظام پر بھی تشویش لاحق ہے۔

فرانس کے صدر میکرون نے بھی اس ٹیلیفونی گفتگو میں کہا کہ فرانس نے شروع سے جوہری معاہدے کی پابندی کی ضروررت پر تاکید کی ہے اور ان کا ملک ایران کے ساتھ مستحکم تعلقات کا خواہاں ہے۔

پیغام کا اختتام/

آپ کا تبصرہ
نام:
ایمیل:
* رایے:
مقبول خبریں