اپ ڈیٹ: 10 July 2019 - 08:54
آسمان امامت و ولایت کے چوتھے درخشاں ستارے فرزند رسولۖ، پیغام رسان کربلا سیدالساجدین حضرت امام زین العادین علیہ السلام کے یوم ولادت باسعادت کی مناسبت سے پورے اسلامی جمہوریہ ایران سمیت عالم اسلام اور دنیا کے مختلف اسلامی و غیر اسلامی ملکوں میں جشن و سرور کی محلفیں سجی ہوئی ہیں۔
خبر کا کوڈ: ۳۸۰۳
تاریخ اشاعت: 12:53 - April 11, 2019

جشن میلاد امام زین العابدین علیہ السلاممقدس دفاع نیوز ایجنسی کی رپورٹ کے مطابق، پانچ شعبان آسمان امامت و ولایت کے چوتھے درخشاں ستارے فرزند رسولۖ، سیدالساجدین حضرت امام زین العابدین علیہ السلام کے یوم ولادت باسعادت کی مناسبت سے جشن و نور کا جو سلسلہ تین شعبان آسمان امامت و ولایت کے تیسرے درخشاں ستارے نواسہ رسولۖ حضرت امام حسین علیہ السلام کے یوم ولادت باسعادت اورچار شعبان علمدار کربلا حضرت ابوالفضل العباس علیہ السلام کے یوم ولادت  کے موقع پرشروع ہوا تھا، پندرہ شعبان المعظم حضرت ولی عصر امام زمانہ عج اللہ تعالی فرجہ الشریف کے یوم ولادت باسعادت تک جاری رہے گا۔

پانچ شعبان المعظم فرزند رسول اور واقعہ عاشورہ کے پیغام رساں حضرت امام زین العابدین علیہ السلام کے یوم ولادت باسعادت کی مناسبت سے پورے اسلامی جمہوریہ ایران میں جشن و سرور کا ماحول ہے اور ملک کے سبھی چھوٹے بڑے شہروں کی مساجد، امام بارگاہوں اور مقدس مقامات میں محفل میلاد کا اہتمام کیا گیا ہے- مختلف عمارتوں اور سڑکوں کو نہایت خوبصرتی کے ساتھ سجایا گیا ہے اور لوگ جگہ جگہ مٹھائیاں اور شربت تقسیم کر رہے ہیں۔

ایران اور دنیا کے دیگر ملکوں کے مسلمان عوام ان ایام میں اعیاد شعبانیہ یا شعبان کی عیدوں کے عنوان سے جشن مناتے ہیں اوراہل بیت عصمت و طہارت کے حضور اپنے والہانہ عشق وعقیدت کا اظہار کرتے ہیں- خوشی و مسرت کے اس پر مسرت موقع پر مشہد مقدس میں فرزند رسولۖ حضرت امام رضا علیہ السلام کے روضہ اطہر میں غیر معمولی جشن کا سماں ہے اور ایران اور دنیا کے دیگر ملکوں سے آئے ہوئے زائرین اس معنوی جشن میں شریک ہو کرحضرت اما م رضاعلیہ السلام کو ان کے جد بزرگوارحضرت امام زین العابدین علیہ السلام کے یوم ولادت کی مبارک باد پیش کر رہے ہیں۔

پاکستان، ہندوستان، لبنان اورشام سمیت بہت سے ملکوں میں پانچ شعبان فرزند رسول حضرت امام زین العابدین علیہ الصلوات و السلام کا یوم ولادت پورے عقیدت و احترام کے ساتھ منایا جا رہا ہے۔ اسی مناسبت اور مبارک موقع پرمقدس دفاع نیوز ایجنسی  اپنے تمام ناظرین، سامعین اور چاہنے والوں کو دل کی گہرائی سے ھدیہ تبریک و تہنیت پیش کرتا ہے۔

پیغام کا اختتام/

آپ کا تبصرہ
نام:
ایمیل:
* رایے:
مقبول خبریں