اپ ڈیٹ: 10 July 2019 - 08:54
یمن کی اعلی انقلابی کمیٹی نے سوئیڈن امن مذاکرات میں شرکت کو محاصرے کے خاتمے اور یمنی وفد کی سلامتی کی ضمانت دیئے جانے سے مشروط کر دیا ہے۔
خبر کا کوڈ: ۳۱۲۵
تاریخ اشاعت: 23:23 - December 01, 2018

امن مذاکرات میں شرکت یمن وفد کی سلامتی کی ضمانت سے مشروطمقدس دفاع نیوز ایجنسی کی بین الاقوامی رپورٹر رپورٹ کے مطابق، یمن کی اعلی انقلابی کمیٹی کے سربراہ محمدعلی الحوثی نے کہا ہے کہ سوئیڈن امن مذاکرات میں شرکت کرنے والے یمنی وفد کی روانگی اور واپسی کی مکمل ضمانت نیز ملک کا زمینی، فضائی اور سمندری محاصرہ ختم کیا جائے۔

انہوں نے کہا کہ سوئیڈن مذاکرات میں شرکت کرنے والے دوسرے فریقوں نے مثبت ردعمل دکھایا تو یمنی وفد بھی چھے دسمبر کو اسٹاک ہوم میں ہونے والے امن مذاکرات میں شرکت کرے گا۔

محمد الحوثی نے کہا کہ سعودی عرب کی سرکردگی میں قائم جارح اتحاد اس سے پہلے بھی امن مذاکرات میں شرکت کرنے والے یمنی وفد کی روانگی میں روکاوٹیں ڈال چکا ہے۔ لہذا انصار اللہ کے وفد کی سوئیڈن مذاکرات میں شرکت محفوظ رفت و آمد کی ضمانت سے مشروط ہے۔

انہوں نے زخمیوں کو علاج کے لیے یمن سے باہر منتقل کرنے کا بھی مطالبہ کیا اور یہ بات زور دے کر کہی اگلے مرحلے میں یمن کا محاصرہ ختم اور پابندیاں ہٹائی جانا چاہئیں۔

پیغام کا اختتام/

آپ کا تبصرہ
نام:
ایمیل:
* رایے:
مقبول خبریں