اپ ڈیٹ: 10 July 2019 - 08:54
فلسطین کی تحریک حماس کے سربراہ اسماعیل ہنیہ نے غزہ میں عظیم حق واپسی مارچ کو غاصب صیہونی حکومت کے مقابلے میں فلسطینی عوام کی جدوجہد اور استقامت و مزاحمت میں اسٹریٹیجک تبدیلی قرار دیا ہے۔
خبر کا کوڈ: ۳۱۰۱
تاریخ اشاعت: 23:53 - November 27, 2018

واپسی مارچ فلسطینی عوام کی تحریک مزاحمت میں اسٹریٹیجک تبدیلیمقدس دفاع نیوز ایجنسی کی رپورٹ کے مطابق، فلسطینی ذرائع کے مطابق فلسطین کی اسلامی مزاحمتی تحریک حماس کے سربراہ اسماعیل ہنیہ نے فلسطینیوں کو حق واپسی مارچ جاری رکھے جانے کی دعوت دیتے ہوئے کہا ہے کہ مسئلہ فلسطین کے اعتبار کی تقویت، فلسطینی پناہ گزینوں کی وطن واپسی کا حق، عوامی استقامت کی صفوں میں فلسطینی قوم میں اتحاد اور غزہ کا محاصرہ ختم کئے جانے کی ضرورت پر ایک بار پھر تاکید اس حق واپسی مارچ کے اہداف و نتائج میں سے ہے۔

فلسطینیوں کا پرامن حق واپسی مارچ، تیس مارچ یوم الارض کے موقع سے مسلسل جاری ہے اور اس راہ میں غاصب صیہونی فوجیوں کی جارحیت میں اب تک دو سو سینتالیس فلسطینی شہید اور پچّیس ہزار سے زائد دیگر زخمی ہو چکے ہیں۔

فلسطین سے ہی ایک اور خبر یہ ہے کہ صیہونی حکومت نے فلسطین کی قانون ساز اسمبلی کے نمائندے احمد عطون کو، کہ جنھیں اس نے اکّیس نومبر کو حراست میں لے لیا تھا، چار ماہ تک زیرحراست رکھے جانے کی منظوری دے دی ہے۔ انھیں اب تک کئی بار گرفتار کر کے قید میں رکھا جا چکا ہے۔

پیغام کا اختتام/

آپ کا تبصرہ
نام:
ایمیل:
* رایے:
مقبول خبریں