اپ ڈیٹ: 18 June 2019 - 13:25
اسلامی جمہوریہ ایران سمیت دنیا بھر میں آج نویں محرم یعنی تاسوعائے حسینی کی عزاداری پورے مذہبی جوش و جذبے کے ساتھ منائی جا رہی ہے اور دنیا کے لاکھوں عقیدت مند شہدائے کربلا کی یاد میں اشک غم بہا رہے ہیں اور سینہ زنی کر رہے ہیں۔
خبر کا کوڈ: ۲۵۲۵
تاریخ اشاعت: 14:40 - September 19, 2018

کربلا ابدی جنگ ہے یزیدیوں سےمقدس دفاع نیوز ایجنسی کی رپورٹ کے مطابق، نو محرم کا دن جسے ایران اور عرب ممالک میں تاسوعائے حسینی کہا جاتا ہے، عربی زبان کے لفظ تسع سے ماخوذ ہے جس کے معنی نو اور نہم ہوتے ہیں۔

نو محرم سن اکسٹھ ہجری قمری کو سید الشہدا حضرت امام حسین علیہ السلام اور آپ کے اصحاب با وفا یزیدیوں کے محاصرے میں تھے اور اہلبیت رسولۖ پر پانی بند تھا۔ یہ خاندان رسولۖ پر انتہائی سخت دن تھا یہی وجہ ہے کہ محبان اہلبیت اطہار(ع) اس دن کو انتہائی غم و اندوہ کے ساتھ مناتے ہیں۔

نویں محرم یعنی تاسوعائے حسینی (ع) کے موقع پر پورے ایران میں مجالس عزا کا سلسلہ جاری ہے جبکہ عزادران سید الشہدا سبھی چھوٹے بڑے شہروں اور قریوں میں ماتمی دستوں کی شکل میں نوحہ خوانی اور سینہ زنی کرتے ہوئے مختلف شاہراہوں اور سڑکوں پر رواں دواں ہیں۔ ہر طرف سیاہ پرچم لگے ہوئے ہیں اور ہر جگہ علم ابوالفضل العباس(ع) بلند ہے اور عزاداروں اور سوگواروں کی آہ و بکا کی صدائیں گونج رہی ہیں۔

مشہد مقدس میں فرزند رسولۖ حضرت امام علی رضاعلیہ السلام ، قم میں حضرت فاطمہ معصومہ سلام اللہ علیہا اور شیراز میں حضرت احمد ابن موسی شاہ چراغ کے روضوں میں زائرین کا جم غفیر ہے جہاں علمائے کرام ذکر مصائب اہلبیت علیہم السلام بیان کر رہے ہیں۔

عزاداری سید الشہدا کا یہ سلسلہ بدستور جاری ہے اور جیسے جیسے یوم عاشورا قریب آتا جارہا ہے، عزاداروں کا جوش اور ولولہ بھی بڑھتا جارہا ہے۔ جبکہ عزاداری کا یہ پرجوش سلسلہ شام غریباں تک جاری رہے گا۔

دنیا کے دیگر ملکوں میں بھی  کروڑوں کی تعداد میں محبان رسولۖ و آل رسولۖ علیہمالسلام، مساجد و امام بارگاہوں میں منعقد ہونے والی مجالس اور جلوسوں میں شریک ہیں جو نواسۂ رسولۖ اور آپ کے اصحاب باوفا پر ڈھائے جانے والے مظالم اور بہتّر ساتھیوں کی شہادت پر اشک غم بہا رہے ہیں اور خراج عقیدت پیش کر رہے ہیں۔

پاکستان، ہندوستان، افغانستان، آذربائیجان، ترکی، کویت ، لبنان اور دنیا کے دیگر ملکوں میں بھی مجالس عزا کا انعقاد کیا جا رہا ہے اور جلوس ہائے عزا برآمد کیے جا رہے ہیں اور ماتمی انجمنیں نوحہ خوانی و سینہ زنی کر رہی ہیں۔ تاہم پاکستان اور ہندوستان میں کل نویں محرم ہے۔

عراق کے مقدس شہر کربلائے معلی میں قیامت کا منظر ہے جہاں لاکھوں کی تعداد میں سوگواران مظلوم کربلا جمع ہوئے ہیں تاکہ اسی سرزمین پر اپنے وجود کا اعلان کرتے ہوئے امام مظلوم کربلا  کا غم منائیں اور اعلان کریں کہ آج کربلا امام حسین کے چاہنے والوں سے مملو ہے  ۔ پورے  عراق اور خاص طور سے مقدس شہروں کربلا و نجف اور کاظمین و سامرا کی فضا لبیک یاحسین کے فلک شگاف نعروں سے گونج رہی ہے۔ ہرطرف جلوس عزا نکلے ہوئے ہیں اور نوحہ و ماتم کی آوازیں بلند ہیں۔

تاسوعائے حسینی کے غم و اندوہ کے اس موقع پر سحرعالمی نیٹ ورک اپنے تمام سامعین، ناظرین اور عاشقان حسین (ع) کی خدمت میں دلی تعزیت و تسلیت پیش کرتا ہے۔

پیغام کا اختتام/

آپ کا تبصرہ
نام:
ایمیل:
* رایے:
مقبول خبریں