اپ ڈیٹ: 10 July 2019 - 08:54
ملک کے اعلی حکام اور دیگر عہدیداروں نے رہبر انقلاب اسلامی آیت اللہ العظمی سید علی خامنہ ای سے ملاقات کی ہے۔
خبر کا کوڈ: ۱۴۶۸
تاریخ اشاعت: 22:19 - May 23, 2018

امریکہ کی شکست قطعی اور یقینی ہے، رہبر انقلاب اسلامیمقدس دفاع نیوز ایجنسی کی رپورٹ کے مطابق، رہبر انقلاب اسلامی کے دفتر سے جاری ہونے والے بیان کے مطابق اس ملاقات میں صدر حسن روحانی، اسپیکر علی لاریجانی، عدلیہ کے سربراہ آملی لاریجانی، اعلی سول اور فوجی حکام اور کابینہ  کے ارکان کے علاوہ ملک کی بعض اہم سیاسی، سماجی اور ثقافتی شخصیات نے بھی شرکت۔

رہبر انقلاب اسلامی آیت اللہ العظمی سید علی خامنہ ای نے اس موقع پر اپنے خطاب میں ایران کے اسلامی نظام اور ملت ایران کے ساتھ امریکہ کی گہری اور دائمی دشمنی کی طرف اشارہ کرتے ہوئے فرمایا کہ اگر اعلی حکام اپنی ذمہ داریوں پر عمل کریں تو موجودہ مسائل میں امریکہ کی شکست قطعی اور یقینی ہے۔

رہبر انقلاب اسلامی نے اپنے اہم خطاب میں امریکہ، ایٹمی معاہدہ اور یورپ کے حوالے سے صحیح پالیسیاں اپنانے اور اندرون ملک اقتصادی مسائل کے حل کی غرض سے بھرپور تحرک کی ضرورت پر تاکید فرمائی۔

آپ نے ایران یورپ تعلقات کے چند عبرت آموز واقعات کا ذکر کرتے ہوئے اور ایٹمی معاہدے کو باقی رکھنے کے لیے یورپ سے لازمی ضمانتوں کے حصول پر بھی روشنی ڈالی۔

اس ملاقات کی تفصیلات رہبر انقلاب اسلامی کے دفتر سے موصول ہونے کے بعد جاری کی جائے گی۔

پیغام کا اختتام/

آپ کا تبصرہ
نام:
ایمیل:
* رایے:
مقبول خبریں